Google ADS

Muhaxheri mbledh Drejtorinë e Emergjencave pas dëmeve nga erërat në Pejë

09:30 | 18 Janar 2018
Arbresh.info

Peja është goditur nga erëra të forta gjatë natës së mbrëmshme.

Pas dëmeve materiale nëpër disa zona, kryetari i komunës, Gazmend Muhaxheri, është angazhuar me mëngjes, ku dhe ka mbledhur Drejtorinë e Emergjencave në këto momente, për të diskutuar fillimisht e më pas për të dalë dhe për të parë dhe vlerësuar dëmet e shkaktuara, njofton Klan Kosova.

Këtë e ka konfirmuar zëdhënësi i komunës, Engelbert Zefaj.

“Kryetari Muhaxheri sapo ma mbledh Drejtorinë e Emergjencave”.

“Dëmet janë shkaktuar sidomos në shtëpitë që nuk janë të standardeve të larta, apo kur qytetarët kanë pasur kulme shtesë të ngjitura për shtëpi”.

“Në disa zona ka pemë të vjetra që janë rrëzuar. Pra në shikim të parë nuk duken dëme të mëdha”, ka thënë ai përmes telefoni.

Zefaj ka bërë lutje ndaj qytetarëve që për dëmet e shkaktuara ta njoftojnë komunën./Klan Kosova/

Shpërndaje në rrjete sociale

Lajmet më të lexuara

Të ngjashme

Foto lajm